Қазақ мақал-мәтелдері

Оқу-білім туралы

J0ecsp ,3k3v

asdffsdffg

Туған ел туралы

Сары-ала қаз көлін аңсайды, Ер жігіт елін аңсайды. Туған жерге туың тік.

Ер – еліңде, гүл – жеріңде.

Ит тойған жеріне, ер туған жеріне.

Елін сүйгеннің еңсесі биік.

Жер – алған ер, жер сатқан – қара жер.

Жекен жерінде көгерер, ер елінде көгерер.

Есің барда елің тап.

Ат айналып қазығын табар, ел айналып елін табар.

Пәлен жерден пайда бар, өз еліңдей қайда бар?! Жақсы жігіт жер шолып, ақыр түбі айналар.

Пәлен жерде алтын бар, барсаң, бақыр да жоқ.

Бақа көлін сүйеді, бұлдырық шөлін сүйеді, ер жігіт елін сүйеді.

Опасызда Отан жоқ.

Өз елім - өлең төсегім.

Отансыз адам – ормансыз бұлбұл.

Құлан қағын қорғайды, киік лағын қорғайды.

Кісі елінде күркірегенше, өз жеріңде дүркіре.

Туған жердей жер болмас, туған елдей ел болмас.

Мал қонысын іздейді, ер жігіт туысын іздейді.

Сағынған елін аңсайды, сарыала қаз көлін аңсайды.

Туған жердің күні де ыстық, түні де ыстық.

Ат үйірін сағынса, артқы аяғын қағынар. Ер үйірін сағынса, айыл-тұман тағынар.

Әркімнің өз жері – Мысыр шаһары.

Тұғырына саңғыған сұңқар оңбас, үйірінен қаңғыған тұлпар оңбас.

Ел іші – алтын бесік.

Өз елімнің басы болмасам да, сайының тасы болайын.

Елінен безген ер оңбас, көлінен безген қаз оңбас.

Құлан өз қағынан өзі жерімес.

Туған жердің қадірін шетте жүрсең білерсің.

Шетте жүрсең тарығарсың, өз еліңді сағынарсың.

Есі бүтін елден шықпайды, елінің қырын жықпайды.

Аққу көлін аңсайды, адам туған жерін аңсайды.

Ер жігіт – елінің ұлы, намысының құлы.

Ел-елдің бәрі жақсы, өз елің бәрінен жақсы.

Отан үшін – ерге тиген үлес.

Іргесі бернік елді жау ала алмас. Ауызы бір елді дау ала алмас.

Сұңқар қиясын сағынады, торғай ұясын сағынады.

Туған үйдің түтіні жылы, тұған ананың күтімі жылы.

Ұлтарақтай болса да, ата қоныс жер қымбат. Ат төбеліндей болса да, туып-өскен ел қымбат.

Жат елдің жақсысы болғанша, өз еліңнің сақшысы бол.

Отанға опасыздық еткенің - өз түбіңе өзің жеткенің.

Туған жердің торғайы да сүйкімді.

Отансыздың оты жанбайды.

Бақа көлінде патша, балық суында патша, жігіт елінде патша.

Қараған өз жерінде гурілдер.

Отанын сүйген отқа жанбайды, суға батпайды.

Туған жердің торғайы тұрымтайдай көрінер. Құлыны тайдай көрінер, қыздары айдай көрінер.

Туған жердің түтіні де тәтті.

Отанды сүю – отбасынан басталады.

Тұған елің болмаса, тумай-ақ қойсын Күн мен Ай.

Есі бар жігіт елін табар, есі жоқ жігіт жаттың отын жағар.